Астанада «Мерейлі отбасы» ұлттық байқауының қалалық кезеңінің жеңімпаздарын марапаттау рәсімі өтті, деп хабарлайды елорда әкімдігінің ресми сайты.
Биыл байқауға елорда тұрғындарынан 306 өтінім түсті. Өтінімдердің ең көбі Алматы ауданынан – 60. Нұра ауданынан 56, Есіл – 54, Сарайшық – 52, Сарыарқа – 51, Байқоңыр ауданынан 33 өтінім қабылданды.
Әрбір өтінімнің артында сүйіспеншілікке, өзара құрметке, жауапкершілікке, бала тәрбиесіне және отбасылық дәстүрді сақтауға негізделген өнегелі отбасының тарихы жатыр. Осындай отбасылар қоғамның берік тірегі әрі өскелең ұрпаққа үлгі болып саналады.
Қазылар алқасының мүшелері жеңімпаздарды анықтау оңай болмағанын атап өтті. Әр отбасының жетістігінің түп-тамырында көп жылғы ортақ еңбек, бір-біріне деген қолдау және отбасы құндылықтарына деген берік ұстаным жатыр.
Ұйымдастырушылар байқауға қатысушыларға белсенді азаматтық ұстанымы, ынтымағы жарасқан отбасының үлгісін танытқаны және отбасы институтын нығайтуға, дәстүрлі құндылықтарды дәріптеуге қосқан үлесі үшін алғыс айтты.
Ақпарат көзі : https://www.gov.kz/memleket/entities/astana/press/news/details/1256804?lang=ru
Жауап қалдыру Жауапты болдырмау