Қаржылық мониторинг агенттігінің делегациясы «Эгмонт» қаржылық барлау бөлімшелері тобының 32-ші пленарлық аптасына және Түркі мемлекеттері ұйымына (ТМҰ) мүше мемлекеттердің Қаржылық барлау бөлімшелері (ҚББ) форумына қатысты.
Пленарлық отырысқа 180-нен астам елдің қаржылық барлау бөлімшелерінің басшылары, қайта тағайындалған ФАТФ президенті Джайлс Томсон және жетекші халықаралық сарапшылар қатысты.
Пленарлық отырыстың негізгі тақырыптарының бірі ақшаны жылыстатуға және терроризмді қаржыландыруға қарсы іс-қимыл саласындағы мемлекеттік-жекеменшік әріптестік болды.
Қатысушылар қаржылық барлау ақпараттарымен алмасудың тиімділігін арттыруға, трансшекаралық тәуекелдерді анықтауға, сондай-ақ жасанды интеллектіні қоса алғанда, заманауи технологияларды қолдануға бағытталған өзара іс-қимылдың жаңа модельдерін талқылады.
ТМҰ-ға мүше мемлекеттердің Қаржылық барлау бөлімшелері форумында қылмыстық кірістерді жылыстату тәуекелдері мен өңірлік өзара іс-қимыл мәселелері қаралды.
Сонымен қатар, Болгария, Намибия және ТМҰ-ға мүше мемлекеттердің қаржылық барлау бөлімшелерімен өзара түсіністік туралы меморандумдарға қол қойылды.
Анықтама үшін: Түркі мемлекеттері ұйымына мүше елдер – Әзербайжан, Қазақстан, Қырғызстан, Түркия және Өзбекстан. Венгрия мен Түрікменстан ұйым жанындағы бақылаушы мемлекеттер мәртебесіне ие.
Қазақстанның аталған іс-шараларға қатысуы Агенттіктің халықаралық деңгейдегі ұстанымын нығайтып, тәжірибе алмасу мен қаржылық қауіпсіздік саласындағы бірлескен бастамаларды іске асыруға жаңа мүмкіндіктер ашты.
Ақпарат көзі : https://www.gov.kz/memleket/entities/afm/press/news/details/1257748?lang=ru
Жауап қалдыру Жауапты болдырмау