Мойынқұм ауданы прокуратурасының үйлестіруімен Мемлекет басшысы айқындаған «Заң мен тәртіп» қағидатын іске асыру және «Таза Қазақстан» республикалық экологиялық акциясын қолдау мақсатында аудан аумағында кешенді рейдтік іс-шара ұйымдастырылды.
Іс-шараның негізгі мақсаты – қоғамдық тәртіпті қамтамасыз ету, экологиялық мәдениетті қалыптастыру, қоршаған ортаны қорғау, елді мекендердің санитариялық тазалығын сақтау және экологиялық құқық бұзушылықтардың алдын алу.
Рейдке Мойынқұм аудандық прокуратурасының бастамасымен аудандық полиция бөлімінің қызметкерлері, жергілікті атқарушы органдардың өкілдері және уәкілетті мекемелердің мамандары қатысты. Арнайы құрылған жұмыс тобы аудан аумағындағы қоғамдық орындарды, көшелерді, саябақтарды, демалыс аймақтарын және өзге де қоғамдық пайдаланудағы аумақтарды аралап, олардың санитариялық жай-күйіне кешенді зерделеу жүргізді.
Рейд барысында елді мекендерді абаттандыру қағидаларының сақталуына, санитариялық тазалықтың жай-күйіне, заңсыз қоқыс үйінділерінің пайда болуына, тұрмыстық қалдықтарды белгіленбеген орындарға тастау деректеріне, сондай-ақ қоршаған ортаны ластауға жол беретін өзге де құқық бұзушылықтарға ерекше назар аударылды.
Тексеру нәтижесінде анықталған кемшіліктер бойынша жауапты тұлғаларға заң талаптарын сақтау жөнінде түсіндіру жұмыстары жүргізіліп, оларды қысқа мерзімде жою бойынша нақты тапсырмалар берілді. Сонымен қатар экологиялық құқық бұзушылықтардың алдын алу мақсатында тұрғындармен профилактикалық әңгімелер өткізіліп, қоршаған ортаны таза ұстау, қоғамдық орындарда тазалық мәдениетін сақтау және табиғатқа жанашырлықпен қараудың маңыздылығы кеңінен түсіндірілді.
«Таза Қазақстан» республикалық экологиялық акциясы аясында ұйымдастырылып жатқан мұндай іс-шаралар аудан тұрғындарының экологиялық жауапкершілігін арттыруға, елді мекендердің көркеюіне және тұрғындарға қолайлы өмір сүру ортасын қалыптастыруға бағытталған.
Мойынқұм ауданы прокуратурасы қоғамдық тәртіпті нығайту, экологиялық заңнаманың талаптарының сақталуын қамтамасыз ету және құқық бұзушылықтардың алдын алу бағытындағы профилактикалық және рейдтік іс-шараларды алдағы уақытта да тұрақты түрде жалғастыратын болады.
Ақпарат көзі : https://www.gov.kz/memleket/entities/zhambyl-moyynkum/press/news/details/1255538?lang=ru
Жауап қалдыру Жауапты болдырмау