Павлодар облысында республикалық «Таза Қазақстан» экологиялық акциясы аясында полиция қызметкерлері тұрмыстық сұйық қалдықтарды заңсыз төгу дерегінің жолын кесті.
– Рейдтік іс-шаралар барысында Павлодар қаласындағы Сауда көшесінде тәртіп сақшылары ЗИЛ маркалы автокөлікті байқап, оның жүргізушісі тұрмыстық сұйық қалдықтарды белгіленбеген жерге төгіп жатқанын анықтады. Ол санитарлық талаптар мен абаттандыру қағидаларын өрескел бұзған. Абаттандыру қағидаларын бұзғаны үшін ассенизатор көлігінің жүргізушісі әкімшілік жауапкершілікке тартылды, – деді Павлодар облысы Полиция департаменті Жергілікті полиция қызметі басқармасының бастығы Азамат Күркебаев.
Айта кетейік, жыл басынан бері өңірде осыған ұқсас құқық бұзушылықтар үшін 4 мыңнан астам адам әкімшілік жауапкершілікке тартылған.
Полиция департаментінде қоршаған ортаның тазалығы тек бақылауға ғана емес, әрбір азаматтың жауапкершілігіне де байланысты екенін атап өтті.
Ақпарат көзі : https://www.gov.kz/memleket/entities/mvd-pavlodar/press/news/details/1255886?lang=ru
Жауап қалдыру Жауапты болдырмау