Тек қызметті баяндау емес, елге адал қызмет ету
«Altai Fest» фестивалі кезінде Шығыс Қазақстан облысы Полиция департаментінің қызметкерлері мыңдаған қонақтың қауіпсіздігін қамтамасыз ете отырып, күшейтілген режимде қызмет атқаруда. Қоғамдық тәртіпті қадағалайтын сақшылармен қатар, полиция жұмысы туралы жедел әрі шынайы ақпарат жеткізу міндетін арқалаған баспасөз қызметінің мамандары да жауапты жұмыс үстінде.
Алайда, атқаратын қызметіне қарамастан, полицей — ең алдымен, антқа адал жан.
Мәселен, ШҚО Полиция департаменті Ақпараттық саясат бөлімінің бастығы, полиция полковнигі Қарлығаш Жүсіпова қызметтік міндетін атқару барысында адам көп жиналған ортада жалғыз тұрған кішкентай баланы байқап қалды. Екі жасар сәби абдырап, қорқып тұр еді, ал жанында ата-анасы болмады.
Полиция полковнигі баланы бірден сабырға шақырып, дереу оның жақындарын іздестіруді ұйымдастырды. Көп ұзамай ата-анасы табылып, бүлдіршін отбасына аман-есен оралды.
«Жаппай іс-шаралар өткізілетін орындарда кішкентай балаларды қараусыз қалдырмаңыздар. Адам көп жерде баланың көзден таса болып қалуы әп-сәтте орын алуы мүмкін. Егер сіз адасып кеткен баланы байқасаңыз немесе өз балаңызды таба алмай жатсаңыз, дереу жақын маңдағы полиция қызметкеріне хабарласыңыз — көмек жедел түрде көрсетіледі», — деп атап өтті ШҚО ПД баспасөз хатшысы Қарлығаш Жүсіпова.
ШҚО ПД баспасөз қызметі
Ақпарат көзі : https://www.gov.kz/memleket/entities/mvd-vko/press/news/details/1256963?lang=ru
Жауап қалдыру Жауапты болдырмау