«Таза Қазақстан» республикалық экологиялық акциясы аясында мәслихат депутаттары Н.З. Уразалинов, О.И. Ержанова және С.А. Мощенко Тургеневка, Чайковский, Мүктікөл және Милютинка ауылдарына жұмыс сапарымен барды.
Жұмыс сапары барысында депутаттар ауыл аумақтарының абаттандырылу жағдайымен, елді мекендердің санитарлық тазалығымен, қоғамдық кеңістіктердің, көшелердің және әлеуметтік инфрақұрылым нысандарының жай-күйімен танысты. Аумақтардың тазалығын сақтау, өсімдіктерді уақтылы шабу, қатты тұрмыстық қалдықтарды шығару, сондай-ақ ауылдарды одан әрі абаттандыру және көгалдандыру мәселелеріне ерекше назар аударылды.
Жұмыс сапарының қорытындысы бойынша бірінші кезекте назар аударуды қажет ететін мәселелер айқындалып, тұрғындар үшін қолайлы әрі жайлы өмір сүру ортасын қалыптастыру мақсатында жергілікті атқарушы органдармен бірлескен жұмысты одан әрі жалғастыруға арналған ұсынымдар әзірленді.
«Таза Қазақстан» акциясы халықтың экологиялық мәдениетін арттыруға, елді мекендердің санитарлық жағдайын жақсартуға, сондай-ақ қоршаған ортаның тазалығын сақтау мен абаттандыру мәселелерінде мемлекет пен қоғамның күш-жігерін біріктіруге бағытталған.
Ақпарат көзі : https://www.gov.kz/memleket/entities/maslihat-zhitikara/press/news/details/1257401?lang=ru
Жауап қалдыру Жауапты болдырмау