Денсаулық сақтау саласында маман сертификатын қалай алуға болады?

Маман сертификатын алу үшін «eLicense.kz» порталында тіркеліп, авторизациядан өтіп, тиісті мемлекеттік қызметті таңдап, өтініш беру қажет.

Өтінішті қабылдаудан бас тартудың жиі кездесетін себептері — қажетті құжаттардың толық ұсынылмауы, құжаттардың сапасыз, талапқа сай емес немесе оқылмайтын түрде жүктелуі, сондай-ақ мәліметтер нысанының дұрыс толтырылмауы.

Өтінішті жібермес бұрын қажетті құжаттар тізбесімен және мемлекеттік қызмет көрсетуге қойылатын талаптармен мұқият танысыңыз. Сонымен қатар, порталда осы мемлекеттік қызметке қатысты нормативтік құқықтық актілер орналастырылған.

Бұл өтінішті қарау мерзімінің созылуын болдырмауға және мемлекеттік қызметті кедергісіз алуға мүмкіндік береді.

Ақпарат көзі : https://www.gov.kz/memleket/entities/dkmfk-vko/press/news/details/1259260?lang=ru