Маңғыстау облысы бойынша Қылмыстық-атқару жүйесі департаментінің №43 мекемесінде сотталғандар арасында суицидтің алдын алу және есірткіге тәуелділікке байланысты есепте тұрған адамдарды емдеу мәселелеріне арналған дөңгелек үстел өтті.
Іс-шараға мекеменің тәрбие және әлеуметтік-психологиялық жұмыс бөлімінің қызметкерлері, мекеме психологы, сондай-ақ жергілікті емхананың психологы мен психиатр-дәрігері қатысты.
Кездесу барысында суицидтік мінез-құлықтың алдын алу, сотталғандарға психологиялық қолдау көрсету, олардың эмоционалдық жай-күйін тұрақты бақылау және есірткіге тәуелділігі бар адамдарды емдеуге жолдау мәселелері жан-жақты талқыланды.
Медицина мамандары суицид қаупінің негізгі белгілері, психологиялық дағдарысты ерте анықтау және дер кезінде кәсіби көмек көрсетудің маңыздылығы туралы түсіндіру жұмыстарын жүргізді. Сонымен қатар, сот үкіміне сәйкес есірткіге тәуелділікке байланысты есепте тұрған сотталғандарды емдеу және оңалту шаралары жөнінде ақпарат берілді.
Маңғыстау облысы бойынша ҚАЖ департаментінде сотталғандардың өмірі мен денсаулығын сақтау, олардың психологиялық тұрақтылығын нығайту және құқық бұзушылықтың қайталануының алдын алу бағытындағы профилактикалық жұмыстар жүйелі түрде жүргізілуде.
Ақпарат көзі : https://www.gov.kz/memleket/entities/duis-mangystau/press/news/details/1258627?lang=ru
Жауап қалдыру Жауапты болдырмау