2026 жылғы 15 шілдеде Қазақстан Республикасы Сауда және интеграция министрлігінде Әдеп жөніндегі уәкіл мен Заң департаментінің бірлесіп ұйымдастыруымен қызметтік әдеп талаптарын, ресми мінез-құлық қағидаларын және сыбайлас жемқорлыққа қарсы заңнама талаптарын сақтау мәселелері бойынша оқыту семинары өткізілді.
Семинар барысында қызметкерлерге мемлекеттік қызметшілердің ресми мінез-құлқына қойылатын негізгі талаптар түсіндіріліп, сөйлеу мәдениетін сақтау, іскерлік қарым-қатынас жасау және сыртқы келбетке қойылатын талаптар жөнінде ақпарат берілді.
Этикалық стандарттарды сақтау, құмар ойындарға қатысуға жол бермеу, белгіленбеген орындарда темекі шекпеу, қоғамдық орындарда масаң күйде болмау, сондай-ақ азаматтар мен әріптестерді саяси, діни және өзге де ұйымдардың қызметіне тартуға жол бермеу мәселелеріне ерекше назар аударылды.
Сонымен қатар кемсітушілік пен сексуалдық қысым көрсетуге жол бермеу, әлеуметтік желілердегі мінез-құлық нормаларын сақтау және қызметтік ақпараттың құпиялылығын қамтамасыз ету мәселелері қарастырылды.
Сыбайлас жемқорлыққа қарсы бағыттағы бөлімде мүдделер қақтығысының алдын алу, заңнамада белгіленген тыйымдар мен шектеулерді сақтау, сондай-ақ лауазымдық өкілеттіктерді жеке мақсаттарда пайдалануға жол бермеу талаптары түсіндірілді.
Осындай іс-шараларды өткізу сыбайлас жемқорлыққа қарсы мәдениетті нығайтуға және мемлекеттік қызметшілердің құқықтық сауаттылығын арттыруға ықпал етеді.
Ақпарат көзі : https://www.gov.kz/memleket/entities/mti/press/news/details/1259129?lang=ru
Жауап қалдыру Жауапты болдырмау