Сандықтау ауданының әкімі Серік Құдабай ауданның туристік әлеуетін дамыту мәселелеріне арналған кеңес өткізді.
Кеңеске жеке кәсіпкерлер, ауылдық округ әкімдері және дербес бөлімдердің басшылары қатысты.
Кеңес барысында туризм саласының қазіргі жай-күйі, оны одан әрі дамыту перспективалары, сондай-ақ кәсіпкерлік субъектілерін мемлекеттік қолдаудың қолданыстағы тетіктері, оның ішінде «Ауыл аманаты» жеңілдетілген несиелеу бағдарламасы аясында көрсетілетін қолдау шаралары қарастырылды.
Кеңеске қатысушылар пікір алмасып, туризм саласын дамытудағы өзекті мәселелерді талқылап, оны жетілдіруге бағытталған ұсыныстарын ортаға салды.
Кездесу қорытындысында аудан әкімі Сандықтау ауданының туристік әлеуеті жоғары екенін атап өтіп, оны тиімді пайдалану өңірдің әлеуметтік-экономикалық дамуына серпін беріп, жаңа жұмыс орындарын ашуға және инвестициялар тартуға мүмкіндік беретін маңызды фактор екенін айтты.
Ақпарат көзі : https://www.gov.kz/memleket/entities/aqmola-sand/press/news/details/1258788?lang=ru
Жауап қалдыру Жауапты болдырмау