2026 жылғы 18-19 шілде аралығында Иордан Хашимит Корольдігінің астанасы Амман қаласында өткен жастар арасындағы дзюдодан Азия чемпионаты өтті. Жарыс қорытындысы бойынша Қазақстан Республикасының ұлттық құрамасы жалпыкомандалық есепте екінші орын алып, 12 медаль жеңіп алды: бес алтын, төрт күміс және үш қола.
Айнара Сейтжанова (48 келіге дейін), Нұрбала Зайнул (52 келіге дейін), Ролан Қайырғали (66 келіге дейін), Гүлсезім Тұрлыбек (78 келіге дейін) және Санжар Ерұланов (100 келіге дейін) Азия чемпиондары атанды.
Дамеля Асылханова (63 келіге дейін), Ерасыл Ержанов (66 келіге дейін), Мұхамедәли Закиров (73 келіге дейін) және Руслана Махатова (78 келіден жоғары) күміс жүлдеге ие болды.
Айзат Наукенова (48 келіге дейін), Айдана Әбиханова (63 келіге дейін) және Шынар Бітімбай (70 келіге дейін) қола жүлдені иеленді.
Еліміздің Амман қаласындағы Елшілігі Қазақстан ұлттық құрамасының Иорданияда болған кезеңінде ұйымдастырушылық қолдау көрсетіп, жарысты ұйымдастырушылармен және қабылдаушы тараптың құзыретті мемлекеттік органдарымен қажетті өзара іс-қимылды қамтамасыз етті.
Ұлттық құраманың табысты өнер көрсетуі қазақстандық спорттың жоғары әлеуетінің айқын көрінісі болып, Қазақстан мен Иордания арасындағы спорт және гуманитарлық байланыстардың әрі қарай дамуына өзіндік үлес қосты.
Қазақстанның Иорданиядағы Елшілігі қазақстандық спортшыларға халықаралық жарыстарда жаңа жеңістер мен толағай табыстар тілейді.
Ақпарат көзі : https://www.gov.kz/memleket/entities/mfa-amman/press/news/details/1260863?lang=ru
Жауап қалдыру Жауапты болдырмау