20 шілде күні Сенек ауылында «Таза Қазақстан» жалпыұлттық экологиялық бағдарламасы аясында түсіндіру және бақылау іс-шаралары ұйымдастырылды.
Іс-шара барысында жергілікті атқарушы органдар мен жауапты сала мамандары ауылдағы кәсіпкерлік субъектілерінің иелерімен кездесіп, санитарлық талаптарды сақтау және іргелес аумақтардың тазалығын қамтамасыз ету мәселелері бойынша түсіндіру жұмыстарын жүргізді.
Түсіндіру барысында әрбір коммерциялық нысанның, оның ішінде үй жанындағы шағын сауда орындары, өздеріне бекітілген аумақтың тазалығына жауапты екені атап өтілді. Сондай-ақ мамандар санитарлық нормаларды сақтау, тұрмыстық қалдықтарды уақытылы шығару, қоқыстың жиналуына жол бермеу және нысан маңын тұрақты түрде абаттандыру бойынша нақты ұсыныстар берді.
Мұндай профилактикалық жұмыстар алдағы уақытта да жалғасып, кәсіпкерлердің экологиялық жауапкершілігін арттыруға және ауылдың тазалығы мен көркеюіне өз үлесін қосуға бағытталатын болады.
Сенек ауылы әкімшілігі
Ақпарат көзі : https://www.gov.kz/memleket/entities/akimat-karakiya/press/news/details/1260823?lang=ru
Жауап қалдыру Жауапты болдырмау