Бүгінде қала аумағында 15 зарядтау портымен жабдықталған 11 электр зарядтау станциясы жұмыс істейді.
Электр зарядтау станцияларының басым бөлігі жанармай құю кешендерінің, сауда нысандарының, автосалондардың және қоғамдық тамақтану орындарының аумағында орналасқан.
Зарядтау инфрақұрылымының желісін одан әрі кеңейту мақсатында басқарма мүдделі мемлекеттік органдармен және бизнес өкілдерімен бірқатар кездесулер өткізді. Келіссөздер қорытындысы бойынша Қазақстан мен Қытайдың жетекші компанияларымен ынтымақтастық орнату жөнінде келісімдерге қол жеткізілді.
Сонымен қатар, жергілікті жанармай құю бекеттерінің желілері 10-нан астам жаңа электр зарядтау станциясын орнатуды жоспарлап отыр.
Электр зарядтау инфрақұрылымының кеңеюі электромобиль иелері үшін қолайлы жағдай жасап, экологиялық таза көліктің қолжетімділігін арттыруға және заманауи қалалық инфрақұрылымның одан әрі дамуына ықпал етеді.
Ақпарат көзі : https://www.gov.kz/memleket/entities/aktobe-industiya-innovatsiya/press/news/details/1262522?lang=ru
Жауап қалдыру Жауапты болдырмау