Білім беру ұйымдарының жаңа оқу жылына дайындығын бақылау аясында Білім саласындағы сапаны қамтамасыз ету департаментінің мамандары Баянауыл ауданындағы білім беру нысандарын аралады.

Баянауыл ауданында білім беру ұйымдарының 2026–2027 оқу жылына дайындығына мониторинг жүргізілді.
Білім беру ұйымдарының жаңа оқу жылына дайындығын бақылау аясында Білім саласындағы сапаны қамтамасыз ету департаментінің мамандары Баянауыл ауданындағы білім беру нысандарын аралады.
Мониторинг барысында ғимараттар мен құрылыстардың жай-күйі, қауіпсіздік талаптарының сақталуы, санитариялық-эпидемиологиялық нормалардың орындалуы, сондай-ақ білім беру ұйымдарының материалдық-техникалық базасының дайындығы қаралды.
Мектеп инфрақұрылымының жай-күйіне ерекше назар аударылды. КММ «Б. Хайдаров атындағы жалпы орта білім беру мектебінде» және КММ «Үшқұдық негізгі мектебінде» күрделі жөндеу жұмыстары жүргізілуде.
Жөндеу жұмыстарын жүргізу білім беру нысандарын жаңарту мен жаңғыртуға, білім алушылар үшін қолайлы жағдайлар жасауға және оқушылар мен педагогтер үшін қауіпсіз білім беру ортасын қамтамасыз етуге бағытталған.
Мониторинг барысында жауапты тұлғаларға жұмыстарды белгіленген мерзімде орындау және олардың сапалы жүргізілуін қамтамасыз ету қажеттігі ескертілді. Департамент білім беру ұйымдарының жаңа оқу жылына дайындығы барысын бақылауды жүзеге асыруда.

Ақпарат көзі : https://www.gov.kz/memleket/entities/control-pavlodar/press/news/details/1262784?lang=ru