Қадағалау қызметі барысында Мендікара ауданының прокуратурасы кәсіптік-техникалық колледжде жүйелі бұзушылықтарды анықтады.
Еңбек заңнамасының талаптарын бұза отырып, жұмыстан босатылған кезде 8 жұмыскерге жыл сайынғы еңбек демалысының пайдаланылмаған күндері үшін жалпы сомасы 200 мың теңгеге өтемақы есептелмегені және төленбегені анықталды.
Сонымен қатар, практикалық сабақтар мен зертханалық жұмыстарға арналған үй-жайларда, сондай-ақ медициналық кабинетте және тағам блогының түскі ас залында санитарлық-эпидемиологиялық нормалар мен талаптардың өрескел бұзылуы анықталды.
Қадағалау актісі бойынша бұзушылықтар жойылды, колледждің 8 қызметкерінің құқықтары қалпына келтірілді, оларға ақшалай өтемақы төленді, колледждің 6 лауазымды тұлғасы жол берілген бұзушылықтар үшін әкімшілік және тәртіптік жауапкершілікке тартылды.
Облыстық прокуратура органдарының білім саласындағы заңдылықты қамтамасыз ету жөніндегі жұмысы жалғасуда.
Қостанай облысының прокуратурасы
Ақпарат көзі : https://www.gov.kz/memleket/entities/prokuratura-kostanay/press/news/details/1262268?lang=ru
Жауап қалдыру Жауапты болдырмау