Шымкент қаласында «Қазақстанның үздік тауары – 2026» және «Бір ауыл – бір өнім» өңірлік көрме-байқаулары өтіп, оған 120-дан астам жергілікті тауар өндіруші қатысты. Көрмеде тамақ, фармацевтика, машина жасау, химия, жеңіл өнеркәсіп, құрылыс индустриясы және басқа да салалардағы кәсіпорындардың өнімдері ұсынылды.
Іс-шараға Шымкент қаласының әкімі Ғабит Сыздықбеков, Үндістан Республикасының Төтенше және Өкілетті Елшісі Сайлас Тхангал бастаған делегация, сондай-ақ, бизнес қауымдастығы мен қала тұрғындары қатысты.
Зияткерлік меншік объектілерін қорғау – адал бәсекелестікті қалыптастырудың, контрафактілік өнімдердің таралуына жол бермеудің және отандық кәсіпкерлердің заңды мүдделерін қамтамасыз етудің маңызды тетіктерінің бірі.
Айта кетейік, «Қазақстанның үздік тауары – 2026» байқауына танымал кәсіпорындармен қатар, өндірісін енді бастаған отандық кәсіпкерлер де қатысты. Байқауда негізінен өнім сапасы мен оның бәсекеге қабілеттілігі бағаланды.
Байқау жеңімпаздары Астана қаласында өтетін «Қазақстанның үздік тауары – 2026» республикалық байқауында Шымкенттің намысын қорғайды. Сонымен қатар, іс-шара аясында жергілікті брендтерді дамытуға, өнім сапасын арттыруға және кәсіпкерлік бастамаларды қолдауға бағытталған «Бір ауыл – бір өнім» жобасына қатысушылардың көрмесі ұйымдастырылды.
Мұндай іс-шаралар отандық өндірісті дамытуға, жергілікті кәсіпорындардың бәсекеге қабілеттілігін арттыруға және шағын және орта бизнестің мүмкіндіктерін кеңейтуге ықпал етеді.
Ақпарат көзі : https://www.gov.kz/memleket/entities/adilet-shymkent/press/news/details/1262874?lang=ru
Жауап қалдыру Жауапты болдырмау