2026 жылғы 23 шілдеде Павлодар облысының Аумақтық кәсіподақтар бірлестігінің «Татуласу орталығы» татуластыру орталығында Құқықтық көмек апталығы аясында Павлодар облысы бойынша Адам құқықтары жөніндегі уәкілдің өкілі Игорь Тарасенконың азаматтарды қабылдауы өтті. Қабылдауға Павлодар облысының Аумақтық кәсіподақтар бірлестігінің төрағасы Динара Айтжанова және Қазақстан Республикасы Кәсіподақтар федерациясы Заң клиникасы филиалының жетекшісі Марина Иванова қатысты.
Қабылдауға өндірістік кәсіпорынның бұрынғы бес қызметкері жүгінді. Олар 2026 жылғы 1 сәуірден бастап осы уақытқа дейін жұмыс берушіден зиянды еңбек жағдайларында жұмыс істегені үшін кәсіптік төлемді алмай жүргендерін мәлімдеді. Қабылдау барысында оларға құқықтық актілерге сәйкес жұмыс берушіні берешек кезеңі үшін зиянды еңбек жағдайларында жұмыс істегені үшін кәсіптік жәрдемақы төлеуге міндеттеу мәселесі бойынша ақпараттық-құқықтық көмек көрсетілді. Павлодар қаласының ауданаралық азаматтық істер жөніндегі сотына талап қою арыздарын беру Павлодар қаласындағы Қазақстан Республикасы Кәсіподақтар федерациясы Заң клиникасы филиалының заңгерлерінің қолдауымен жүзеге асырылатын болады.
Алтыншы өтініш беруші – күзет агенттігінің күзетшісі жалақы бойынша берешекті төлеу мәселесімен жүгінді. Күзет агенттігінің басшылығымен татуластыру келіссөздерін жүргізу барысында жалақы бойынша берешекті 2026 жылғы 27 шілдеде төлеу туралы келісімге қол жеткізілді.
Ақпарат көзі : https://www.gov.kz/memleket/entities/ombudsman-pavlodar-oblysy/press/news/details/1262952?lang=ru
Жауап қалдыру Жауапты болдырмау