Шығыс Қазақстан облысындағы Марқакөл жағасында Марқакөл мемлекеттік табиғи қорығының 50 жылдығына арналған «Марқакөл – Шығыстың маржаны» фестивалі өтеді.
Марқакөл – Қазақстанның ең көркем табиғи мекендерінің бірі. Биік таулардың баурайында орналасқан мөлдір көл, сирек кездесетін өсімдіктер мен жануарлар дүниесі, бірегей экожүйесі бұл өңірді табиғат сүйер қауым мен саяхатшылар үшін ерекше орынға айналдырады.
Ұйымдастырушылардың айтуынша, фестивальдің басты мақсаты – Шығыс Қазақстанның туристік әлеуетін кеңінен насихаттау, экологиялық туризмді дамыту, табиғи мұраны сақтау және Марқакөлдің қайталанбас табиғатын дәріптеу.
Мереке қонақтарын мазмұнды бағдарлама, ерекше атмосфера және ұмытылмас әсерлер күтеді. Мерейтой аясында поэзия фестивалі, ақындар айтысы, ғылыми-тәжірибелік конференция, қорықтың 50 жылдығына арналған кітаптың тұсаукесері, дөңгелек үстел отырысы, қорық қызметкерлерін марапаттау рәсімі ұйымдастырылады.
Сонымен қатар танымал өнерпаздардың қатысуымен мерекелік концерт, бағалы сыйлықтар ұтысы, көрмелер, шебер қолөнершілердің шеберлік сабақтары, ұлттық тағамдар жәрмеңкесі мен дәм тату, арнайы экскурсиялық бағдарлама өтеді.
Өтетін күні: 31 шілде
Өтетін орны: Шығыс Қазақстан облысы, Марқакөл ауданы, Ұрынқай ауылы
Басталу уақыты: 10:00.
Ақпарат көзі : https://www.gov.kz/memleket/entities/akimvko/press/news/details/1263355?lang=ru
Жауап қалдыру Жауапты болдырмау