ҚР мен РФ өңіраралық ынтымақтастығы жөніндегі XXII форум аясында (Омбы қ.) ШҚО әкімі Омбы және Орынбор облыстарының өкілдерімен жұмыс кездесулерін өткізді

24–25 шілде күндері Омбыда Қазақстан мен Ресей Федерациясы арасындағы өңіраралық ынтымақтастық жөніндегі XXII форум өтуде. Оның жұмысына облыс әкімі бастаған ШҚО делегациясы қатысып жатыр. Мұнда өңір басшысы бастаған ШҚО делегациясы жүр. Шығыс Қазақстан облысының әкімі Нұрымбет Сақтағанов Ресей өкілдерімен бірқатар екіжақты кездесу өткізді.

Талқылаудың негізгі бағыттарының бірі – Самара облысымен туризм және гуманитарлық ынтымақтастықты дамыту. Самара облысы Үкіметі төрағасының орынбасары Павел Финкпен туризм, білім беру және цифрлық шешімдер салаларындағы бірлескен жобаларды іске асыру мүмкіндіктері талқыланды.

Павел Финк Самара облысында қонақжайлылық индустриясына мамандар даярлау тәжірибесі туралы айтып берді. Өңірде мамандандырылған факультет жұмыс істейді. Онда қонақжайлылық пен туризм индустриясына қатысты экономика мен басқарудан бастап құқықтануға дейінгі бағыттар бойынша мамандар даярланады.

Шығыс Қазақстанның туристік әлеуетін пайдалану мәселесіне де ерекше назар аударылды. Тараптар тәжірибе алмасу және туристік маршруттарды дамытуға, қызмет сапасын арттыруға бағытталған бірлескен бастамаларды жүзеге асыру мүмкіндіктерін талқылады.

Сонымен қатар Самара облысының өкілі өнеркәсіп кәсіпорындарымен өзара іс-қимылдың жаңа үлгілерін құру тәжірибесімен бөлісті. Оның ішінде көлік өндірісі саласындағы ынтымақтастық қарастырылды. Сондай-ақ тараптар цифрландыру мәселесін қозғап, Самара облысының ұйымдардың тиімділігін арттыру үшін құжаттарды цифрландыру тәжірибесіне назар аударды.

Бұдан бөлек, Орынбор облысы губернаторының орынбасары Антон Ефимовпен жеке кездесу өтті. Келіссөздер барысында ШҚО мен Орынбор облысының Үкіметі арасында ынтымақтастық туралы меморандумға қол қойылды.

Құжат тату көршілік байланыстарды нығайтуға, экономикалық және гуманитарлық салалардағы өзара іс-қимылды дамытуға бағытталған. Достық пен серіктестіктің белгісі ретінде тараптар екі өңірдің мәдениеті мен дәстүрін танытатын естелік сыйлықтармен алмасты.

Сондай-ақ форум аясында ШҚО әкімі Омбы облысының көлік министрімен қысқаша жұмыс кездесуін өткізді. Онда өңірлер арасындағы көлік қатынасын дамыту перспективалары талқыланды.

Нұрымбет Сақтағанов өзен көлігінің көрме экспозициясын аралау барысында ұсынылған жобалармен танысып, Омбы өзен портының өкілдерімен Шығыс Қазақстанда кеме қатынасын дамыту және көлік байланысын кеңейту жоспарларымен бөлісті.

Форум алаңында Шығыс Қазақстан облысы, елдің өзге өңірлері және Омбы облысы делегацияларының қатысуымен панельдік сессиялар өтті. Тараптар су ресурстары, инфрақұрылым, денсаулық сақтау, өнеркәсіптік өндіріс және басқа да салалардағы тәжірибелерімен бөлісті.

Шығыс Қазақстанның форумға қатысуы туризм мен білім беруден бастап өнеркәсіп пен көлікке дейінгі бағыттар бойынша нақты жобаларды талқылап, шекаралас аумақтармен өзара ынтымақтастықтың жаңа тетіктерін айқындауға мүмкіндік берді.

(Мәтін мен фотосуреттерді пайдаланғанда ШҚО әкімінің баспасөз қызметіне сілтеме жасау міндетті).