Ақмола облысы әкімінің орынбасары Мұрат Балпан жұмыс сапарымен Сандықтау ауданына келді.
Сапар аясында ауданның даму мәселелеріне арналған жедел кеңес өтті. Кеңес барысында алдағы егін орағы науқанына дайындық барысы, сондай-ақ Мемлекет басшысының тапсырмасы бойынша әзірленіп, бекітілген 2026–2030 жылдарға арналған Мал шаруашылығын дамытудың кешенді жоспарының іске асырылуы талқыланды.
Кеңесте мал шаруашылығы саласын дамыту мәселесіне ерекше назар аударылды. Облыс әкімінің орынбасары Сандықтау ауданының қолда бар әлеуеті толық пайдаланылмай отырғанын, ал мал шаруашылығын дамыту көрсеткіштері айтарлықтай жақсартуды қажет ететінін атап өтті. Осыған байланысты ауыл шаруашылығы құрылымдарының басшыларын жоспарланған іс-шараларды іске асыруға белсенді қатысуға, ауыл шаруашылығы жануарларының санын көбейтуге, мал шаруашылығы өнімдерінің өндірісін арттыруға және мемлекеттік қолдау шараларын барынша тиімді пайдалануға шақырды.
Облыс әкімінің орынбасары әрбір ауыл шаруашылығы тауарын өндірушінің және жалпы әрбір ауданның тиімді жұмысы өңірлік көрсеткіштердің орындалуына, әрі Ақмола облысының агроөнеркәсіптік кешенінің дамуына тікелей әсер ететінін ерекше атап өтті.
Кеңес қорытындысы бойынша аграрлық сектор жұмысының тиімділігін арттыруға бағытталған басым міндеттер айқындалып, нақты тапсырмалар берілді.
Ақпарат көзі : https://www.gov.kz/memleket/entities/aqmola-sand/press/news/details/1263656?lang=ru
Жауап қалдыру Жауапты болдырмау