Қазақстан Республикасы Президентінің Жарлығына сәйкес 2026 жылғы 23 тамызда (сағат 07:00-ден 20:00-ге дейін) Қазақстан Республикасының Израиль Мемлекетіндегі Елшілігі жанындағы №417 сайлау учаскесінде Қазақстан Республикасы Құрылтайы депутаттарының сайлауы өтеді.
Дауыс беру күні 18 жасқа толған, белсенді сайлау құқығы бар Қазақстан Республикасының әрбір азаматының сайлауға қатысуға конституциялық құқығы бар.
Осы құқықты жүзеге асыру үшін Сізді сайлаушылар тізіміне енгізу қажет.
Қазақстан Республикасының Израиль Мемлекетіндегі Елшілігі жанындағы №417 сайлау учаскесінің сайлаушылар тізіміне Израиль аумағында тұрақты немесе уақытша тұратын және Қазақстан Республикасы азаматының жарамды паспорты бар барлық азаматтар енгізіледі.
ҚҰРМЕТТІ АЗАМАТТАР!
Израиль Мемлекетінің аумағында жүрген Қазақстан Республикасы азаматтарын барынша қамту мақсатында 2026 жылғы 5 тамызға дейін (қоса алғанда) өз деректеріңізді (тегі, аты, әкесінің аты, туған күні, ЖСН, Израильдегі тұрғылықты мекенжайы, байланыс телефоны және электрондық пошта мекенжайы) «Сайлау – 2026» деген белгімен төмендегі электрондық пошта мекенжайларына жолдауыңызды сұраймыз:
📧 t.ryskeldiyev@mfa.kz
📧 kzembtlv@gmail.com
немесе
📞 +972 53 272 1815
телефоны арқылы хабарласуға болады.
Назарларыңызға саламыз, Израиль аумағында жүрген, дауыс беру күні 18 жасқа толған Қазақстан Республикасының барлық азаматтары сайлауға қатысуға құқылы.
Қазақстан Республикасының Израиль Мемлекетіндегі Елшілігі жанындағы №417 сайлау учаскелік комиссиясы 2026 жылғы 23 тамызда сағат 07:00-ден 20:00-ге дейін өз жұмысын жүзеге асыратын болады.
Ақпарат көзі : https://www.gov.kz/memleket/entities/mfa-tel-aviv/press/news/details/1264281?lang=ru
Жауап қалдыру Жауапты болдырмау