2026 жылғы 13 шілдеде Қазақстан Республикасы Денсаулық сақтау министрлігі Медициналық және фармацевтикалық бақылау комитетінің Алматы облысы бойынша департаментінде “Ашық есік күні” ұйымдастырылды.
Іс-шара барысында Департамент мамандары азаматтар мен ұйым өкілдеріне медициналық және фармацевтикалық қызметке лицензия алу мәселелері бойынша консультациялар өткізіп, денсаулық сақтау саласындағы қолданыстағы заңнама талаптарын түсіндірді.
Сондай-ақ медициналық ұйымдар көрсететін медициналық көмектің сапасы мен қауіпсіздігін қамтамасыз ету, лицензиялық талаптарды сақтау және нормативтік құқықтық актілердің талаптарын орындау мәселелеріне ерекше назар аударылды.
Іс-шараға қатысушылар өздерін қызықтырған сұрақтарға жан-жақты жауап алып, Департамент құзыретіне кіретін мәселелер бойынша тәжірибелік ұсынымдар мен қажетті түсіндірмелерге ие болды.
Департамент халықтың құқықтық сауаттылығын арттыруға және азаматтармен ашық әрі тиімді өзара іс-қимылды дамытуға бағытталған ақпараттық-түсіндіру жұмыстарын жүйелі түрде жалғастырады.
Ақпарат көзі : https://www.gov.kz/memleket/entities/dkmfk-almaty-oblast/press/news/details/1264370?lang=ru
Жауап қалдыру Жауапты болдырмау