Шымкент қаласында кәмелетке толмағандардың қауіпсіздігін қамтамасыз етуге және жасөспірімдер арасындағы құқық бұзушылықтардың алдын алуға бағытталған «Балалар қауіпсіздігі» жедел-профилактикалық іс-шарасы өтті.
Іс-шара аясында полиция қызметкерлері қала прокуратурасы және әкімдіктің қызметкерлерімен бірлесіп, ойын-сауық орындарында, саябақтарда, сауда орталықтарында және басқа да қоғамдық орындарда рейдтік жұмыстар жүргізді.
Рейд барысында түнгі уақытта заңды өкілдерінің қарауынсыз жүрген кәмелетке толмағандар анықталды. Олардың ата-аналарымен профилактикалық жұмыстар жүргізіліп, қолданыстағы заңнама талаптарына сәйкес тиісті шаралар қабылданды.
Іс-шараның негізгі мақсаты – балалардың қауіпсіздігін қамтамасыз ету және олардың құқықтары мен заңды мүдделерін қорғау бағытындағы профилактикалық жұмыстарды күшейту.
Ақпарат көзі : https://www.gov.kz/memleket/entities/mvd-shymkent/press/news/details/1264224?lang=ru
Жауап қалдыру Жауапты болдырмау