БАСПАСӨЗ РЕЛИЗІ

Шығыс Қазақстан облысы бойынша тексеру комиссиясының 2026 жылғы 27 шілдеде өткен отырысында  мемлекет активтерін пайдалану, жергілікті бюджет қаражатын жоспарлау және атқару, сондай-ақ Шемонаиха ауданының жергілікті атқарушы органдары қызметінің экономиканы, мемлекеттік басқарудың әлеуметтік және басқа салаларын дамыту ықпалына жүргізілген  мемлекеттік аудиттің қорытындысы шығарылды.

Аудитпен 9 объект қамтылды, 2023 жылғы сәуір мен 2026 жылғы наурыз аралығындағы кезең бойынша тексерілген қаражат пен активтердің жалпы сомасы 15,5 млрд. теңгеден асты.

Шемонаиха ауданы бойынша Облыстың 2021-2025 жылдарға арналған даму жоспарының іске асырылуын талдау барысында 2023-2025 жылдар кезеңінде жекелеген нысаналы индикаторларға: 2023 жылы – 31 көрсеткіштің
6-ына (19,3%), 2024 жылы — 8 көрсеткіштің 3-іне (37,5%), 2025 жылы 8 көрсеткіштің 3-іне (37,5%) қол жеткізілмегені анықталды.

Негізгі капиталға инвестициялар тарту қарқынының жеткіліксіздігі, ішкі және келушілер туризмі бойынша жоспарлы көрсеткіштерге қол жеткізілмеу, жеке тұрғын үй құрылысы көлемінің төмендеуі, азаматтарды қысқа мерзімді кәсіптік оқу оқығаннан кейін жұмысқа орналастыру деңгейінің жеткіліксіздігі, сондай-ақ агроөнеркәсіптік секторда жекелеген көрсеткіштерге қол жеткізілмеу сияқты туристік саланы дамыту динамикасының төмендігі негізгі проблемалар қатарына жатқызылды.

Аудит барысында бюджет қаражатын және мемлекет активтерін пайдалануға, бюджеттік жоспарлауға, инфрақұрылымдық жобаларды іске асыруға, жолаушылар тасымалын ұйымдастыруға, сондай-ақ коммуналдық инфрақұрылым объектілерін басқаруға байланысты бұзушылықтар мен кемшіліктер анықталды. Бұдан басқа, оларды жою бойынша кешенді шаралар қабылдауды талап ететін рәсімдік бұзушылықтар мен жүйелі кемшіліктер анықталды. Әкімшілік құқық бұзушылық белгілері бар материалдар бойынша ақпарат әкімшілік іс жүргізуді қозғау үшін уәкілетті органдарға берілді.

Сонымен қатар, Тексеру комиссиясы өз бетінше 7 материалды қарап, ҚР ӘҚБтК-нің 234-1, 235 баптары бойынша айыппұлдар салды.

Отырыс қорытындысы бойынша аудит объектілеріне бұзушылықтарды жою және ауданның тұрақты әлеуметтік-экономикалық дамуын қамтамасыз ету үшін ұсынымдар беріліп, нұсқамалар шығарылды.

Ақпарат көзі : https://www.gov.kz/memleket/entities/revkomvko/press/news/details/1264462?lang=ru