Энергетика вице-министрі Санжар Жаркешов көмір химиясы және мұнай-газ химиясы салаларындағы инвестициялық жобаларды іске асыруға қызығушылық танытып отырған Қытайдың жетекші химия компанияларының өкілдерімен кездесу өткізді.
Кездесу барысында вице-министр көмір химиясы саласын дамыту Қазақстанның өнеркәсіптік саясатының басым бағыттарының бірі екенін ерекше атап өтті. Оның айтуынша, көмір химиясы жоғары қосылған құны бар өнім өндіруге, көмірді терең өңдеуді дамытуға, елдің экспорттық әлеуетін арттыруға және жаңа жоғары технологиялық өндірістерді қалыптастыруға зор мүмкіндік береді.
Қазақстан тарапы көмір химиясы және мұнай-газ химиясы салаларында іске асырылып жатқан және әлеуетті жобаларды таныстырып, сондай-ақ инвестициялық ынтымақтастықты одан әрі дамытуға арналған перспективалы бағыттар жөнінде ақпарат берді.
Сонымен қатар инвесторларды мемлекеттік қолдаудың қолданыстағы тетіктеріне ерекше назар аударылды. Атап айтқанда, инвестициялық жобаларды сүйемелдеу механизмдері, салықтық және инвестициялық преференциялар, қажетті инфрақұрылыммен қамтамасыз ету және қолайлы инвестициялық ахуалды қалыптастыруға бағытталған өзге де құралдар талқыланды.
Ақпарат көзі : https://www.gov.kz/memleket/entities/energo/press/news/details/1264594?lang=ru
Жауап қалдыру Жауапты болдырмау