Қосшы қаласында ай сайын кәмелетке толмағандардың істері және олардың құқықтарын қорғау жөніндегі комиссияның отырыстары өткізіліп, оның аясында балалардың құқықтарын, заңды мүдделерін және қауіпсіздігін қамтамасыз етуге бағытталған өзекті мәселелер қарастырылады

Комиссия отырыстарында кәмелетке толмағандар арасындағы құқық бұзушылықтардың алдын алу, қараусыздық пен панасыздықтың профилактикасы, қиын өмірлік жағдайға тап болған балаларды қорғау мәселелері талқыланып, отбасыларға қажетті көмек пен қолдау көрсету бойынша тиісті шаралар қабылданады.
Комиссия жұмысына мемлекеттік органдардың, білім беру ұйымдарының, құқық қорғау органдарының және басқа да мүдделі қызметтердің өкілдері қатысады.
Комиссияның басты мақсаты – өскелең ұрпақ үшін қауіпсіз әрі қолайлы орта қалыптастыру, әрбір баланың құқықтарын қорғау және оның жан-жақты дамуына жағдай жасау.

Ақпарат көзі : https://www.gov.kz/memleket/entities/aqmola-kosshy/press/news/details/1264974?lang=ru