QYZYLJAR SABANTUY 2026 өңіраралық мерекесі аясында Солтүстік Қазақстан облыстық Сәбит Мұқанов атындағы қазақ сазды-драма театрында Татарстан Республикасы өнер шеберлерінің концерті өтті.
Іс-шараға қатысушылар мен қонақтарды Солтүстік Қазақстан облысы әкімінің орынбасары Жүсіп Жұмағұлов құттықтап, өз сөзінде Солтүстік Қазақстан облысы мен Татарстан Республикасы арасындағы мәдени ынтымақтастықты нығайтудың және көпжылдық достық байланыстардың маңыздылығын атап өтті.
Концерттік бағдарлама татар халқының музыкалық және хореографиялық өнерінің үздік үлгілерін ұсынды. Сахнада Татарстанның танымал өнерпаздары мен шығармашылық ұжымдары өнер көрсетіп, көрермендерге халықтық және заманауи музыкалық шығармаларды, ұлттық билер мен жарқын концерттік нөмірлерді тарту етті.
Әрбір өнер көрсетілімін көрермендер зор ықыласпен қабылдап, концерт достық, өзара құрмет және мәдени бірлік рухында өтті. Бұл шара Солтүстік Қазақстан облысы мен Татарстан Республикасы арасындағы берік гуманитарлық байланыстардың тағы бір айқын көрінісіне айналып, QYZYLJAR SABANTUY 2026 өңіраралық мерекесінің маңызды мәдени іс-шараларының бірі болды.
Ақпарат көзі : https://www.gov.kz/memleket/entities/sko-madeniet/press/news/details/1264184?lang=ru
Жауап қалдыру Жауапты болдырмау