Рияд, 2026 жылғы 21 шілде – Қазақстанның Сауд Арабиясындағы Елшісі Мадияр Меңілбеков «Olayan Saudi Holding Company» Бизнесті дамыту жөніндегі бас директоры Яссер Әл-Фариссимен кездесу өткізді.
Келіссөздер барысында инвестициялық ынтымақтастықты дамыту және туризм, девелопмент пен ойын-сауық индустриясы салаларындағы бірлескен жобаларды іске асыру перспективалары талқыланды.
М.Меңілбеков Қазақстанның инвестициялық ахуалды дәйекті түрде жетілдіріп келе жатқанын және жетекші саудтық компанияларды заманауи туристік әрі қалалық инфрақұрылымды дамытуға бағытталған ірі жобаларды жүзеге асыруға тартуға мүдделі екенін атап өтті.
Өз кезегінде, Яссер Әл-Фарисси Қазақстанның жоғары инвестициялық әлеуетін атап өтіп, перспективалы инвестициялық жобаларға қатысу мүмкіндіктерін зерделеуге қызығушылық білдірді.
Кездесудің қорытындысы бойынша тараптар диалогты жалғастыруға және өзара іс-қимылдың перспективалық бағыттарын пысықтауға келісті.
«Olayan Saudi Holding Company» – «The Olayan Group» құрамына кіретін Сауд Арабиясындағы ең ірі жеке инвестициялық-өнеркәсіптік холдингтердің бірі. Компания өнеркәсіп, құрылыс, энергетика, денсаулық сақтау, жылжымайтын мүлік, логистика және инвестициялар салаларында қызмет атқарады, сондай-ақ әлемнің жетекші халықаралық корпорацияларымен бірлескен жобаларды жүзеге асырады.
Ақпарат көзі : https://www.gov.kz/memleket/entities/mfa-riyadh/press/news/details/1264669?lang=ru
Жауап қалдыру Жауапты болдырмау