2026 жылдың басынан бері Көліктегі полиция департаментінің қызметкерлері жолаушылар пойыздарынан түрлі әкімшілік құқық бұзушылық жасаған 350 құқық бұзушыны түсірді. Оның ішінде 265 адам алкогольдік ішімдіктерді ішкені және қоғамдық орындарға мас күйінде келгені үшін, ал 85 адам ұсақ бұзақылық және басқа да құқық бұзушылықтар жасағаны үшін жауапкершілікке тартылды. Бұл туралы Көліктегі ПД әкімшілік полиция басқармасының бастығы Марат Дубаев мәлімдеді.
Кезекті оқиға «Алматы – Қостанай» бағытындағы жолаушылар пойызында орын алды. Пойыз бастығының актісі негізінде Отар станциясындағы көліктегі полиция бөлімшесінің қызметкерлері пойыздан екі жолаушыны түсірді.
«Тексеру барысында Алматы облысының 60 және 36 жастағы тұрғындарының алкогольдік масаң күйде болғаны, балағат сөздер айтып, қоғамдық тәртіпті бұзып, өзге жолаушыларға қолайсыздық туғызғаны анықталды», – деді полиция полковнигі.
«Құқық бұзушылар полиция бөлімшесіне жеткізіліп, қоғамдық орында масаң күйінде жүргені және ұсақ бұзақылық жасағаны үшін әкімшілік жауапкершілікке тартылды. Бірінші құқық бұзушылық үшін әрқайсысына 5 АЕК мөлшерінде айыппұл салынды. Сонымен қатар, сот шешімімен ұсақ бұзақылық жасағаны үшін әрқайсысына қосымша 20 АЕК мөлшерінде айыппұл тағайындалды», – деді ол.
Көліктегі ПД жолаушылар пойызы қоғамдық орын болып табылатынын және әрбір азамат белгіленген мінез-құлық қағидаларын сақтауға міндетті екенін еске салады. Қоғамдық тәртіпті бұзудың кез келген дерегі көлік полицейлері тарапынан дереу тоқтатылып, құқық бұзушылар қолданыстағы заңнамаға сәйкес жауапкершілікке тартылады.
Ақпарат көзі : https://www.gov.kz/memleket/entities/mvd-transport/press/news/details/1264239?lang=ru
Жауап қалдыру Жауапты болдырмау