Жамбыл облысының полицейлері ескертеді: интернет-алаяқтар барған сайын айлакер болуда
💻 Үздіксіз жүргізіліп жатқан профилактикалық жұмыстарға қарамастан, алаяқтар азаматтардың ақшасын иемдену үшін алдаудың жаңа тәсілдерін қолдануын жалғастыруда.
🔒 Ең жиі кездесетін алаяқтық тәсілдердің бірі – өзін банк қызметкері, құқық қорғау органдарының өкілі, байланыс операторы немесе мемлекеттік ұйым қызметкері ретінде таныстыратын адамдардың қоңырау шалуы.
📱 Олар түрлі сылтаулармен азаматтарды SMS арқылы келген кодтарды, банк картасының деректемелерін айтуға, несие рәсімдеуге немесе ақшаны «қауіпсіз шотқа» аударуға көндіреді. Есте сақтаңыз: банк пен мемлекеттік органдардың қызметкерлері ешқашан телефон арқылы мұндай әрекеттерді талап етпейді.
🛒 Интернет арқылы сауда жасағанда ерекше сақ болыңыз. Бейтаныс сатушыларға алдын ала төлем жасамаңыз, сайттар мен хабарландырулардың шынайылығын тексеріңіз, сондай-ақ мессенджерлер мен әлеуметтік желілер арқылы келген күмәнді сілтемелерге өтпеңіз.
🔑 Бір реттік растау кодтарын, құпиясөздерді және жеке деректеріңізді ешкімге айтпаңыз. Күрделі құпиясөздерді қолданыңыз, екі факторлы аутентификацияны қосыңыз және банк шоттарыңыздағы операцияларды тұрақты түрде тексеріп отырыңыз.
🚔 Егер интернет-алаяқтық әрекетіне тап болсаңыз немесе оның құрбанына айналсаңыз, дереу жақын жердегі полиция бөліміне жүгініңіз немесе 102 нөміріне хабарласыңыз. Уақытылы жүгіну қылмыскерлерді анықтау және жаңа қылмыстардың алдын алу мүмкіндігін едәуір арттырады.
🤝 Жамбыл облысы Полиция департаменті азаматтарды қырағы болуға, ақша аударымдарына қатысты кез келген ақпаратқа сын көзбен қарауға және алаяқтардың айла-тәсілдері туралы жақындарын, әсіресе егде жастағы адамдарды тұрақты түрде ескертіп отыруға шақырады.
📌 Цифрлық қауіпсіздіктің қарапайым ережелерін сақтау сіздің қаражатыңыз бен жеке деректеріңізді қорғауға көмектеседі.
Ақпарат көзі : https://www.gov.kz/memleket/entities/mvd-zhambyl/press/news/details/1266107?lang=ru
Жауап қалдыру Жауапты болдырмау