«Алатау Жарық Компаниясы» АҚ (АЖК) Алматы қаласының электрмен жабдықтау сапасы мен сенімділігін арттыруға бағытталған кешенді іс-шараларды жүзеге асыруды жалғастыруда.
Энергетикалық инфрақұрылымды жаңғырту аясында мамандар болашақта апаттық ажыратулардың алдын алу және тұтынушыларды тұрақты электрмен қамтамасыз ету мақсатында жоспарлы жұмыстар жүргізуде.
Жаңғыртудың негізгі бағыттарының бірі – трансформаторлық қосалқы станцияларда заманауи телемеханика жүйесін енгізу. Жұмыстар барысында интеллектуалды модемдер орнатылып, олар диспетчерлерге электр желілерінің жай-күйін нақты уақыт режимінде қашықтан бақылауға, жабдықтарды басқаруға, жүктемені қадағалауға және электрмен жабдықтау параметрлеріндегі өзгерістерге жедел әрекет етуге мүмкіндік береді. Сонымен қатар, әуе электр желілерін реконструкциялау және энергетикалық жабдықтарды күрделі жөндеу жұмыстары жүргізілуде.
Монтаждау жұмыстарын қауіпсіз жүргізу мақсатында 31 шілде күні сағат 08:00-ден 17:00-ге дейін төмендегі мекенжайлар бойынша электр энергиясын жоспарлы түрде өшіру жүргізіледі:
- Бөгенбай батыр, Масанчи, Төле би және Сейфуллин көшелерінің шегінде (ТП-2257 трансформаторлық қосалқы станциясында телемеханика жүйесін монтаждау);
- Қарасай батыр көшесі және бекітілген ажырату кестесіне сәйкес өзге де мекенжайлар.
«Алатау Жарық Компаниясы» АҚ аталған ажыратулардың жоспарлы сипатта екенін және олардың электр желілері инфрақұрылымын жаңғырту, сондай-ақ алдағы уақытта электрмен жабдықтаудың сенімділігі мен сапасын арттыру мақсатында жүргізілетінін хабарлайды.
Компания тұрғындарды уақытша қолайсыздықтарға түсіністікпен қарауға шақырады.
Ақпарат көзі : https://www.gov.kz/memleket/entities/almaty-almaly/press/news/details/1267108?lang=ru
Жауап қалдыру Жауапты болдырмау