Қазақстан Республикасындағы Адам құқықтары жөніндегі уәкіл жанындағы Үйлестіру кеңесінің мүшесі Ашимова А.Т. облыс орталығының әкімімен бірлесіп, Өскемен қаласының жастарымен өткен кездесуге қатысты.
Іс-шара барысында Конституцияның қоғам өміріндегі маңызы, жастардың құқықтық мәдениетін қалыптастыру, азаматтық жауапкершілікті арттыру, сондай-ақ қоғамдық бастамаларды қолдау мәселелері талқыланды. Кездесуге қатысушылар өзара пікір алмасып, өзекті мәселелер бойынша ұсыныстарын ортаға салды.
Іс-шара аясында жастар саясатын дамытуға және қаланың қоғамдық өміріне елеулі үлес қосып жүрген белсенді жастар марапатталды.
Мұндай кездесулер жастардың құқықтық сауаттылығын арттыруға, азаматтық белсенділігін дамытуға және жастар мен мемлекеттік органдар арасындағы ашық диалогты нығайтуға ықпал етеді.
Ақпарат көзі : https://www.gov.kz/memleket/entities/ombudsman-vko-oblysy/press/news/details/1266353?lang=ru
Жауап қалдыру Жауапты болдырмау