НАЗАР АУДАРЫҢЫЗДАР!

Құрметті Мақтаарал ауданының тұрғындары және қонақтары!
2026 жылғы 4 тамыз күні Мақтаарал ауданының орталығы Мырзакент кентінің Жеңіс көшесіндегі С.Рақымов мектебінің аумағында «Мақтаарал-Антитеррор-2026» терроризмге қарсы жедел-тактикалық оқу-жаттығуы өткізілуде.

Оқу-жаттығудың мақсаты – терроризмге қарсы күрес жөніндегі Мақтаарал аудандық жедел штабының мүшелері мен жедел топтарының терроризм қатерлеріне қарсы әрекет ету кезіндегі өзара іс-қимылын жетілдіру, практикалық дағдылары мен кәсіби даярлық деңгейін арттыру.

Іс-шара барысында шартты терроризм актісі туындаған жағдайда жедел штаб күштері мен құралдарын жедел хабардар ету, жинақтау және оқиға орнына жеткізу тәртібі пысықталып, тиісті іс-қимыл алгоритмдерінің тиімділігі тексеріледі.

Осыған байланысты аудан тұрғындарынан өткізілетін оқу-жаттығу шараларына түсіністікпен қарауды сұраймыз. Оқу-жаттығу кезінде арнайы техника мен қызметтік автокөліктердің қозғалысы, сондай-ақ жекелеген аумақтарда уақытша шектеулер енгізілуі мүмкін.

Уақытша қолайсыздықтар үшін кешірім өтінеміз және азаматтарды сабыр сақтап, қауіпсіздік талаптарын сақтауға шақырамыз.