Қазақстандық «Жұлдыз» ансамблі 2026 жылғы 30 шілде мен 6 тамыз аралығында Марокко Корольдігінде өтіп жатқан XVIII Халықаралық бейбітшілік балалары фестиваліне қатысуда. Фестивальге әлемнің әртүрлі құрлығынан 20 елден 300-ден астам бала қатысуда.
Фестивальдің ашылу рәсімінде «Жұлдыз» ансамблінің жас өнерпаздары Қазақстанның ұлттық хореографиялық өнерін таныстырып, марокколық және халықаралық аудиторияны қазақ мәдениеті мен дәстүрін паш етті. Әсем костюмдер, жоғары дайындық деңгей және ансамбль қатысушыларының мәнерлі өнер көрсетуі көрермендердің жылы ықыласына бөленіп, ұзаққа созылған қол шапалақпен сүйемелденді.
Халықаралық бейбітшілік балалары фестивалі Мәртебелі Ханшайым Лалла Мериемның құрметті төрағалығымен өткізіліп, түрлі елдердің балалар шығармашылық ұжымдарын біріктіреді. Іс-шара халықтар арасындағы достықты, өзара құрмет пен мәдени диалогты нығайтуға бағытталған.
«Жұлдыз» ансамблінің фестивальге қатысуы Қазақстан мәдениетін шетелде насихаттауға және Қазақстан Республикасы мен Марокко Корольдігі арасындағы мәдени-гуманитарлық ынтымақтастықты дамытуға қосылған маңызды үлес болып табылады.
Ақпарат көзі : https://www.gov.kz/memleket/entities/mfa-rabat/press/news/details/1268787?lang=ru
Жауап қалдыру Жауапты болдырмау