2026 жылғы 4 тамызда Ақмола облысы бойынша Тексеру комиссиясында Қазақстан Республикасының сыбайлас жемқорлыққа қарсы іс-қимыл саласындағы заңнамасын қолдану мәселелері бойынша техникалық оқу өткізілді. Оқуды Ақмола облысы бойынша Тексеру комиссиясы аппаратының басшысы Е.Ж. Саусканов мемлекеттік аудиттің құрылымдық бөлімшелері басшыларының қатысуымен WhatsApp мессенджері арқылы бейнеконференция байланысы режимінде өткізді.
Іс-шара барысында сыбайлас жемқорлыққа қарсы заңнаманың негізгі қағидалары, сыбайлас жемқорлыққа қарсы шектеулерді сақтау, мүдделер қақтығысының алдын алу және оны реттеу, қызметтік әдеп нормаларын сақтау, сондай-ақ қызметтік міндеттерді орындау кезінде сыбайлас жемқорлық тәуекелдерінің алдын алу жөніндегі мәселелер қаралды.
Техникалық оқу қорытындысы бойынша құрылымдық бөлімшелердің басшыларына Қазақстан Республикасының сыбайлас жемқорлыққа қарсы іс-қимыл туралы заңнамасының талаптарының мүлтіксіз сақталуын қамтамасыз ету, сондай-ақ қаралған материалдар мен түсіндірмелерді өз бөлімдерінің қызметкерлеріне жеткізу тапсырылды. Осындай іс-шараларды өткізу мемлекеттік қызметшілердің құқықтық мәдениетін арттыруға, сондай-ақ Тексеру комиссиясының қызметінде заңдылық, ашықтық және адалдық қағидаттарын нығайтуға бағытталған.
Ақпарат көзі : https://www.gov.kz/memleket/entities/akmol-revkom/press/news/details/1269197?lang=ru
Жауап қалдыру Жауапты болдырмау