«АБЗ Плюс» ЖШС-де жалақыны уақтылы төлеу және Қазақстан Республикасының еңбек заңнамасын сақтау мәселелері бойынша кездесу өткізілді
2026 жылғы 6 тамызда Қостанай қаласы прокуратурасының, Қостанай облысы бойынша Мемлекеттік еңбек инспекциясы департаментінің өкілдерінің, сондай-ақ «АБЗ Плюс» ЖШС құрылтайшысы мен басшысының қатысуымен кәсіпорынның еңбек ұжымымен жалақыны уақтылы және толық төлеу мәселелері бойынша кездесу өткізілді.
Кездесу барысында Қазақстан Республикасы еңбек заңнамасының талаптарын сақтау, жалақы бойынша берешектің қалыптасуына жол бермеу, жұмыскерлердің еңбек құқықтарын қорғауды қамтамасыз ету, сондай-ақ жұмыс берушінің заңнамада белгіленген міндеттемелерді бұзғаны үшін жауапкершілігі мәселелері талқыланды.
Кездесуге қатысушылар алдында Қостанай қаласы прокурорының орынбасары Ахметов Марат Романович сөз сөйлеп, Қазақстан Республикасы еңбек заңнамасының талаптарын мүлтіксіз сақтау, жалақыны уақтылы төлеу және азаматтардың еңбек құқықтарының бұзылуына жол бермеу қажеттігіне ерекше назар аударды.
Қостанай облысы бойынша Мемлекеттік еңбек инспекциясы департаментінің бөлім басшысы Қысабаев Руслан Темірханұлы жұмыскерлер мен жұмыс берушіге Қазақстан Республикасы Еңбек кодексінің ережелерін, еңбек құқықтарын қорғау тәртібін, жалақыны уақтылы төлемегені үшін жұмыс берушінің жауапкершілігін, сондай-ақ еңбек саласындағы мемлекеттік бақылау шараларын түсіндірді.
Кездесу қорытындысы бойынша жұмыскерлер өздерін қызықтырған сұрақтарға толық жауап алды, ал кәсіпорын басшылығына Қазақстан Республикасы еңбек заңнамасының талаптарын сақтау, жалақы бойынша берешектің қалыптасуына жол бермеу және жұмыскерлерге жалақыны уақтылы төлеуді қамтамасыз ету жөнінде барлық қажетті шараларды қабылдау қажеттігі көрсетілді.
Ақпарат көзі : https://www.gov.kz/memleket/entities/kostanai-enbek/press/news/details/1269819?lang=ru
Жауап қалдыру Жауапты болдырмау