Түркістан облысының Әлеуметтік қызметтер порталы мәселелері жөніндегі комиссиясының отырысы өтті.

Халықты әлеуметтік қорғау саласындағы бақылау бөлімінің бас маманы Б.Тасқожа Түркістан облысының Әлеуметтік қызметтер порталы мәселелері жөніндегі комиссия мүшелеріне Қазақстан Республикасы Еңбек және халықты әлеуметтік қорғау министрінің «Кейбір бұйрықтарға өзгерістер мен толықтырулар енгізу туралы» бұйрығының жобасын түсіндіру жұмыстарын жүргізді.

Түсіндіру барысында Әлеуметтік қызметтер порталында тіркелетін тауарлар мен қызмет көрсетушілерге қойылатын талаптарды күшейту, сондай-ақ олардың Порталда тіркелу кезінде ұсынатын мәліметтерінің дұрыстығы үшін жауапкершілігін арттыру мәселелері жан-жақты түсіндірілді.

Кездесу соңында комиссия мүшелері тарапынан қойылған сұрақтарға жауаптар беріліп, ұсыныстар мен пікірлер талқыланды.