Бөкей ордасы ауданы әкімі аппаратының бірыңғай конкурстық комиссиясының қорытындысы негізінде, аудан әкімінің 2026 жылғы 12 тамыздағы өкімімен Бөкей ордасы ауданының тұрғын үй коммуналдық шаруашылығы, жолаушылар көлігі және автомобильдер жолдары бөлімінің басшысы лауазымына Асылан Жұмағалиұлы Бижанов тағайындалды.
Асылан Бижанов – 1992 жылы Бөкей ордасы ауданында дүниеге келген.
Білімі жоғары. 2014 жылы Батыс Қазақстан облыстық инженерлік-гуманитарлық университетінің «Электроэнергетика» мамандығы, 2016 жылы Қазақстан инновациялық және телекоммуникациялық жүйелер университетін «Құқықтану» мамандығы бойынша тәмамдаған.
Еңбек жолын 2015 жылы Бөкей ордасы аудандық ішкі істер бөлімінде маман болып бастаған.
2016-2017 жылдары Сайқын ауылдық округі әкімі аппаратында жетекші маман, 2017-2018 жылдары Бөкей ордасы аудандық қорғаныс істері жөніндегі бөлімінде инспектор, 2018-2024 жылдары аудандық ішкі саясат бөлімінің жетекші, бас маманы, басшысы, 2024-2026 жылдары аудан әкімі аппараты ұйымдастыру-бақылау және персоналды басқарудың бірыңғай қызметі бөлімінің бас маманы, 09.02.2026-11.08.2026 жылдары аудан әкімі аппараты құжаттарды қамтамасыз ету және қаржы шаруашылық бөлімінің басшысы қызметтерін атқарды.
Отбасылы, 2 баласы бар.
Аудан әкімі Нұрлыбек Даумов жаңа лауазымға тағайындалған бөлім басшысын ұжымға таныстырып, жұмысына сәттілік тіледі. Өз кезегінде жаңа тағайындалған басшы аудан әкіміне сенім білдіргені үшін алғысын білдіріп, артылған сенімді ақтауға бар күш-жігерін салатынын жеткізді.
Ақпарат көзі : https://www.gov.kz/memleket/entities/bko-bokeyorda/press/news/details/1273295?lang=ru
Жауап қалдыру Жауапты болдырмау