ШБК СЭБ басқармасының мамандары ағымдағы жылдың 5 тамызында «Қазықұрт-ЮГ» ЖШС қызметкерлері арасында жұқпалы емес аурулардың алдын алу және «Салауатты жұмыс орындары» бастамасы бойынша семинар өткізді. Семинар барысында «Салауатты жұмыс орындары» бастамасы, жобаны іске асырудың негізгі кезеңдері, жұқпалы емес аурулардың алдын алу және салауатты өмір салтын қалыптастыру мәселелері қарастырылды. Қатысушыларға қолданыстағы санитариялық заңнама талаптары, жұмыс берушінің қауіпсіз еңбек жағдайларын қамтамасыз етудегі рөлі, сондай-ақ дұрыс тамақтану мен дене белсенділігінің денсаулықты сақтаудағы маңыздылығы түсіндірілді. Сонымен қатар, қатысушылар өздерін қызықтырған сұрақтарға жауап алып, ақпараттық жадынамалар мен буклеттермен қамтамасыз етілді. Семинар соңында «Салауатты жұмыс орындары» жобасы аясында сауалнама жүргізілді. Іс-шараға 45 адам қатысты.
Ақпарат көзі : https://www.gov.kz/memleket/entities/departament-kkbtu-na-transporte/press/news/details/1273324?lang=ru
Жауап қалдыру Жауапты болдырмау