2026 жылғы 10 тамызда Шымкент бөлімшелік көліктегі санитариялық-эпидемиологиялық бақылау басқармасының басшысы Е.А. Рыскуловтың ұйымдастыруымен Басқарма мамандары арасында «Сыбайлас жемқорлықтың алдын алу» тақырыбында семинар-жаппай оқыту өткізілді. Сыбайлас жемқорлықтың алдын алу – заң талаптарын қатаң сақтау, мүдделер қақтығысына жол бермеу және қызметтік әдеп нормаларын ұстану болып табылады. Әрбір қызметкердің бойында сыбайлас жемқорлыққа «мүлдем төзбеушілік» қағидатын қалыптастыру мемлекеттік органдарға деген сенім мен олардың қызметінің ашықтығын қамтамасыз етудің негізі болып табылады. Семинар барысында сыбайлас жемқорлыққа қарсы шектеулер мен әрбір қызметкердің дербес жауапкершілігі түсіндірілді. Сондай-ақ сыбайлас жемқорлық тәуекелдеріне ішкі талдау жүргізу, құқық бұзушылықтардың алдын алу шаралары талқыланып, қызметтік әдеп талаптарын қатаң сақтау қажеттілігіне ерекше назар аударылды.
Ақпарат көзі : https://www.gov.kz/memleket/entities/departament-kkbtu-na-transporte/press/news/details/1273538?lang=ru
Жауап қалдыру Жауапты болдырмау