ТЖМ тікұшағы кішкентай науқасқа көмекке келді

Шығыс Қазақстан облысында ТЖМ «Қазавиақұтқару» экипажы Өскемен – Риддер – Өскемен бағыты бойынша санитариялық авиация рейсін орындады.

Ұшқыштар Саян Есенгелді, Замира Мұхамеджарова және Валерий Козедуб медицина мамандары Рафаиль Халитов пен Лариса Величкомен бірге үш жасар баланы Риддер қаласынан медициналық көмек көрсету үшін облыс орталығына жеткізуді қамтамасыз етті.

Ұшу штаттық режимде өтті. Бала медицина мамандарымен бірге облыс орталығына жеткізілді.

ТЖМ авиациясы санитариялық және авариялық-құтқару рейстерін орындауға тұрақты дайындықта. Әуе кемелері шалғай елді мекендерден пациенттерді жедел жеткізуге мүмкіндік береді, өйткені мұндай жағдайларда оларды жерүсті көлігімен тасымалдау көп уақыт алуы мүмкін.

112 – әрдайым жаныңнан табылады.

Ақпарат көзі : https://www.gov.kz/memleket/entities/emer-vko/press/news/details/1274760?lang=ru