Қостанай қаласының физика-математика бағытындағы NIS 11 сынып оқушысы Андрей Арабахтов алтын медаль жеңіп алып, жеке есепте олимпиаданың абсолютті чемпионы атанды. Ол екінші жыл қатарынан IGeO алтын медалінің иегері болды.
Жетісу облысы Мұхтар Арын атындағы №24 мамандандырылған лицейдің 10 сынып оқушысы Бекбол Дарын да жеке есепте 9-шы орын алып, алтын медаль жеңіп алды.
Шығыс Қазақстан облысының дарынды балаларына арналған “Білім-инновация” мамандандырылған лицей-интернатының 11 сынып оқушылары Әмір Дарынов пен Алан Козленко күміс жүлдегер атанды. Осылайша, Қазақстан құрамасының барлық төрт қатысушысы Халықаралық олимпиада медальдарын жеңіп алды.
Олимпиада 11-17 тамыз аралығында Ыстамбұлда өтті. Оған ұлттық іріктеу кезеңдерінен өткен 50 елден 184 оқушы қатысты.
Қазақстан құрамасының жетекшілері республикалық және халықаралық олимпиадалардың бірнеше дүркін жүлдегері Абай Дүйсен және nu студенті Алмас Искендиров болды.
Қазақстан 2012 жылдан бастап География пәнінен Халықаралық олимпиадаға қатысып келеді. Осы уақыт ішінде қазақстандық оқушылар 7 алтын, 6 күміс және 7 қола медаль жеңіп алды.
Ақпарат көзі : https://www.gov.kz/memleket/entities/karaganda-shet-akoy/press/news/details/1275936?lang=ru
Жауап қалдыру Жауапты болдырмау