Ақтөбеде полицейлер Қытай азаматына Алматыға дейінгі жолын жалғастыруға көмектесті

     Ақтөбе қаласында патрульдік полиция қызметкерлері Ақтаудан Алматыға жол тартқан Қытай азаматына көмек көрсетті.

     Шетелдік саяхатшы жол бағытын анықтау кезінде қиындыққа тап болған. Атап айтқанда, ол смартфонындағы GPS-навигацияны баптай алмай, әрі қарайғы қозғалыс бағытын өздігінен анықтай алмаған.

     Патрульдік полиция қызметкерлері жағдайды түсініп, саяхатшыға көмектесуге кірісті. Тілдік кедергіге қарамастан, полицейлер аударма қызметін пайдаланып, қажетті ақпаратты түсіндірді. Сонымен қатар оның смартфонындағы карта қосымшасын баптап, Алматыға дейінгі жол бағытын көрсетті.

     Қажетті көмекті алған шетелдік азамат полицейлерге алғысын білдіріп, сапарын Алматы бағытына қарай жалғастырды.

     Полиция қызметінің негізгі міндеттерінің бірі — қоғамдық қауіпсіздікті қамтамасыз етумен қатар, азаматтар мен шетелдік қонақтарға қажет болған жағдайда көмек көрсету.

     Полиция — қауіпсіздік пен тәртіптің ғана емес, адамға қажет сәтте қолдау көрсетудің де кепілі.

Ақпарат көзі : https://www.gov.kz/memleket/entities/qriim/press/news/details/1276484?lang=ru