Астанада өткен қалалық Тамыз кеңесінде бірқатар ұстаз марапатталды

Жарияланды:

19/08/2026 18:50

—

Автор:

Астанада өткен қалалық Тамыз кеңесі аясында білім беру саласына елеулі үлес қосқан елордалық педагогтер марапатталды, деп хабарлайды елорда әкімдігінің ресми сайты.

Оқу-ағарту министрі Жұлдыз Сүлейменова «Ыбырай Алтынсарин» медалін 7 педагогке табыстады:
• Қасым Қайсенов атындағы №27 мектеп-лицейінің директоры, қазақ тілі мен әдебиеті пәнінің мұғалімі Меруерт Абуова;
• №28 мектеп-лицейінің тарих пәнінің мұғалімі Замзагүл Ахметова;
• Төлеген Айбергенов атындағы №16 мектеп директорының бейіндік оқыту жөніндегі орынбасары, информатика пәнінің мұғалімі Жанар Егеубаева;
• «Астана дарыны» орталығының бөлім басшысы Роза Есімхан;
• Смағұл Сәдуақасұлы атындағы №78 мектеп-гимназиясы директорының оқу ісі жөніндегі орынбасары, қазақ тілі мен әдебиеті пәнінің мұғалімі Ания Жанәбілова;
• Мұстафа Шоқай атындағы №51 мектеп-гимназиясының математика пәнінің мұғалімі Өрік Ибраева;
• №22 мектеп-гимназиясының директоры, ағылшын тілі пәнінің мұғалімі Салтанат Тоғатаева.

«Білім беру саласының үздігі» төсбелгісімен 6 педагог марапатталды:
• Нәзір Төреқұлов атындағы №35 мектеп-лицейінің математика пәнінің мұғалімі Зауреш Әділбекова;
• Әлихан Бөкейхан атындағы №76 мектеп-лицейі директорының тәрбие ісі жөніндегі орынбасары, тарих пәнінің мұғалімі Айназ Әжіқабылова;
• Кәрім Мыңбаев атындағы №59 мектеп-лицейі директорының оқу жұмысы жөніндегі орынбасары Анар Апакова;
• №5 гимназиясының орыс тілі мен әдебиеті пәнінің мұғалімі Ақбала Атанова;
• Темірбек Жүргенов атындағы №70 мектеп-лицейінің математика пәнінің мұғалімі Ләззат Балтабаева;
• Ақжан Әл-Машани атындағы №92 мектеп-лицейінің директоры, қазақ тілі мен әдебиеті пәнінің мұғалімі Оразкүл Жолдасбекова.

Ал «Еңбек ардагері» медалімен:
• №19 жалпы білім беретін мектебінің биология пәнінің мұғалімі Алмагүл Абенова;
• Ахмет Байтұрсынұлы атындағы BINOM SCHOOL мектеп-лицейінің орыс тілі мен әдебиеті пәнінің мұғалімі Қарлығаш Қайранбаева;
• Роза Бағланова атындағы №2 балалар музыка мектебінің домбыра сыныбының оқытушысы Күләш Керейбаева;
• Ахмет Байтұрсынұлы атындағы №48 мектеп-лицейінің музыка пәнінің мұғалімі Жанат Кируова марапатталды.

Сонымен қатар 2026 жылғы «Үздік ұйым» гранты табысталды. «Орта білім беретін үздік ұйым» гранты №8 мектеп-лицейіне, ал «Техникалық және кәсіптік білім беретін үздік ұйым» гранты Қоғамдық тамақтандыру және сервис колледжіне берілді.

Марапаттар елордалық педагогтердің кәсіби шеберлігі мен білім беру саласын дамытуға қосқан үлесінің жоғары бағаланғанын көрсетеді.