18 тамыз 2026 жылы аудандық Мәдениет үйінде «ЖАҢА ХАЛЫҚТЫҚ КОНСТИТУЦИЯНЫҢ нормалары мен құндылықтары: адами капиталды дамыту — білім беру жүйесінің стратегиялық негізі» тақырыбында білім беру қызметкерлерінің тамыз конференциясы өтті.
Конференция жұмысына аудан әкімі Р. А. Аңбаев, аудандық ішкі істер бөлімінің бастығы М. Е. Харипов, ауданның білім беру ұйымдарының басшылары мен педагогтері қатысты.
Іс-шара барысында білім беру жүйесін дамыту, білім беру үдерісінің сапасын арттыру және адами капиталды қалыптастыру мәселелері қарастырылды. Білім беруді цифрлық трансформациялау, жасанды интеллект технологияларын тиімді пайдалану, педагогтер мен білім алушылардың цифрлық сауаттылығын арттыру, сондай-ақ заманауи білім беру платформаларының жаңа мүмкіндіктерін пайдалану мәселелеріне ерекше назар аударылды.
Конференция спикерлері өз тәжірибелерімен бөлісіп, білім беруді дамытудың өзекті бағыттарын таныстырды, жаңа оқу жылына арналған басым міндеттерді, балалардың қауіпсіздігін қамтамасыз ету, өскелең ұрпақты тәрбиелеу және құндылық бағдарларын нығайту мәселелерін атап өтті.
Конференция аясында ауданның білім беру жүйесін дамытуға, оқыту мен тәрбиенің сапасын арттыруға елеулі үлес қосқан педагог қызметкерлерді салтанатты түрде марапаттау рәсімі өтті.
Тамыз конференциясы өткен оқу жылын қорытындылау, кәсіби тәжірибе алмасу және алдағы оқу жылына арналған негізгі міндеттерді айқындау үшін маңызды алаң болды.
Ақпарат көзі : https://www.gov.kz/memleket/entities/gmusrep-roo/press/news/details/1276965?lang=ru
Жауап қалдыру Жауапты болдырмау