Дәріхана ұйымдары өкілдеріне түсіндіру кеңесі өткізілді

2026 жылғы 12 тамызда Маңғыстау облысының дәріхана ұйымдары өкілдерінің қатысуымен дәрілік заттарды өткізу талаптарын сақтау мәселелері бойынша түсіндіру кеңесі өткізілді.

Кеңес барысында Қазақстан Республикасы Денсаулық сақтау министрінің 2023 жылғы 26 маусымдағы №120 бұйрығымен бекітілген «Адам өмірі мен денсаулығына зиянды әсерін тигізетін күшті әсер ететін заттардың тізбесіне» сәйкес, құрамында есірткі, психотроптық және күшті әсер ететін заттар бар дәрілік заттарды рецепт бойынша босату талаптары түсіндірілді.

Сонымен қатар, келесі мәселелер қаралды:

рецептілерді есепке алу және сақтау тәртібі;

дәрілік заттарды рецепт бойынша босатуға қойылатын талаптар;

дәрілік заттарды есепке алу және сақтау қағидалары;

рецептуралық бланкілердің белгіленген нысандарын пайдалану және сақтау талаптары;

дәрілік заттарды босату кезінде фармацевтикалық ұйымдар қызметкерлерінің міндеттері;

қолданыстағы заңнама талаптарын бұзған жағдайда туындайтын жауапкершілік мәселелері.

Қатысушыларға дәріхана ұйымдарында тиісті дәріханалық практика (GPP) стандарттарын сақтаудың маңыздылығы туралы түсіндірме берілді.

Түсіндіру кеңесінің негізгі мақсаты – дәріхана ұйымдарының қызметкерлеріне дәрілік заттарды босату кезінде заңнама талаптарын сақтау қажеттілігін жеткізу және құқық бұзушылықтардың алдын алу.

Департамент дәріхана ұйымдарын дәрілік заттарды босату, есепке алу және сақтау кезінде қолданыстағы заңнама талаптарын қатаң сақтауға шақырады.