Мектеп формасын таңдау — баланы оқу жылына дайындаудың маңызды бөлігі. Ол тек ұқыпты әрі белгіленген талаптарға сай ғана емес, сонымен қатар баланың жайлылығы мен қауіпсіздігін қамтамасыз етуі тиіс.
Мектеп формасын таңдаудағы негізгі талаптар:
– Форма баланың өлшеміне сай болып, қимыл-қозғалысына кедергі келтірмеуі керек;
– Қауіпсіз, ауа өткізетін және жайлы матадан тігілген киімді таңдаңыз;
– Киімнің тігістері, түймелері, сыдырмалары және басқа да фурнитурасы теріні қажамауы тиіс;
– Киім жыл мезгіліне сай болуы керек, бұл баланың қызып кетуінің алдын алады;
– Таңбалауына назар аударыңыз: матаның құрамы, өлшемі, өндірушісі және күтім жасау жөніндегі нұсқаулық көрсетілуі тиіс;
– Аяқ киім ыңғайлы, өлшемі балаға сай және табаны орнықты болуы керек.
Ақпарат көзі : https://www.gov.kz/memleket/entities/departament-kkbtu-kostanay/press/news/details/1277221?lang=ru
Жауап қалдыру Жауапты болдырмау