Облыс прокуроры «Қашаған» кен орнындағы жұмысшылардың еңбек жағдайын тексеріп, экологиялық іс-шаралардың тиімділігін бағалады

Атырау облысының прокуроры Мадияр Басшыбаев «Норт Каспиан Оперейтинг Компани Н.В.» (NCOC) компаниясының «Қашаған» кен орнына жұмыс сапарымен барды.

Жұмыс сапары барысында облыс прокуроры кен орнының негізгі өндірістік объектілерінің қызметімен танысып, өндірістік процестердің ұйымдастырылуын, жұмыскерлердің еңбек жағдайларын, қауіпсіздік талаптарының сақталуын, сондай-ақ қоршаған ортаны қорғау саласында жүргізіліп жатқан жұмыстарды бағалады.

«Қашаған» кен орны әлемдегі ең ірі және ең күрделі жобалардың бірі болып табылатынын атап өткен жөн.

Қазіргі уақытта Каспий теңізіндегі «Д» аралында 400-ге жуық жергілікті жұмыскер жұмыспен қамтылған.

Мадияр Басшыбаев мемлекет үшін стратегиялық маңызы бар мұнай-газ объектілерінде азаматтардың еңбек құқықтарының, өндірістік және экологиялық қауіпсіздік талаптарының сақталуына тұрақты түрде қадағалаудың жүзеге асырылатынын атап өтті.

Атырау облысының прокуратурасы

Ақпарат көзі : https://www.gov.kz/memleket/entities/prokuratura-atyrau/press/news/details/1277532?lang=ru