Бұланды ауданының полиция қызметкерлері мүгедек балаларға көмек көрсетуге арналған қайырымдылық жәшігінің ұрлығына қатысы бар ер адамды анықтады.
Бұланды ауданының полиция бөліміне ұрлық туралы арыз келіп түсті. 8 тамызда сағат 20:00 шамасында Макинск қаласындағы жергілікті сауда үйлерінің бірінен ақша жинау үшін қойған шыны жәшігі ұрланғаны анықталды.
Жедел-тексеру іс-шаралары барысында полиция қызметкерлері ұрлық жасауға қатысы бар ер адамды анықтады.
Алдын ала мәліметтер бойынша, кешкі уақытта ер адам Макинскіге келіп, сауда үйіне кірген. Айналасындағылардың назарының жоқтығын пайдаланған ол қайырымдылық жәшігін артқы кіреберіс арқылы ғимараттан шығарып, жасырынған.
Кейін күдікті адам жоқ жерде қорапты ашып, ішіндегі ақшаны алған. Жалпы сомасы 22 720 теңгені құрады. Ақшаның бір бөлігіне алкоголь сатып алған.
Тексеру барысында ер адам ұрлық жасау фактісін мойындады.
Оқиға фактісі бойынша одан әрі тексеру жүргізіледі, оның нәтижелері бойынша заңнамаға сәйкес барлық тиісті шаралар қабылданатын болады.
Полиция азаматтарға қайырымдылық жәшіктері мен қолма-қол ақшаның сақталуын қамтамасыз ету, сондай-ақ заңсыз әрекеттер туралы полицияға уақтылы хабарлау қажеттігін ескертеді.
Ақпарат көзі : https://www.gov.kz/memleket/entities/mvd-akmola/press/news/details/1278322?lang=ru
Жауап қалдыру Жауапты болдырмау