Жетісу облысында қоғамдық қауіпсіздікті қамтамасыз етуге, құқық бұзушылықтардың алдын алуға және азаматтардың құқықтық мәдениетін арттыруға бағытталған «Құқықтық тәртіп» жедел-профилактикалық іс-шарасы жалғасуда.
Іс-шара аясында полиция қызметкерлері көшелер мен қоғамдық орындарда патрульдеу жұмыстарын күшейтті. Жол қозғалысы қауіпсіздігіне ерекше назар аударылуда. Патрульдік полиция қызметкерлері тәулік бойы, 24/7 режимінде, жолдарда қызмет атқарып, жүргізушілермен профилактикалық және түсіндіру жұмыстарын жүргізуде.
Полиция қызметкерлері жол қозғалысына қатысушыларға Жол жүрісі қағидаларын қатаң сақтау, белгіленген жылдамдық режимін бұзбау, қауіпсіздік белдіктерін пайдалану және көлік құралын масаң күйде басқаруға жол бермеу қажеттігін еске салады.
Заң талаптарын сақтау – жай ғана формальды талап емес, әрбір азаматтың міндеті. Жолдағы жауапты мінез-құлық пен басқа да жол қозғалысына қатысушыларға құрметпен қарау жол-көлік оқиғаларының алдын алуға және адам өмірін сақтауға мүмкіндік береді.
Полиция азаматтарды белгіленген талаптарды сақтауға, құқық бұзушылықтарға жол бермеуге, өз қауіпсіздігі мен айналасындағылардың қауіпсіздігіне жауапкершілікпен қарауға шақырады.
Ақпарат көзі : https://www.gov.kz/memleket/entities/mvd-zhetysu/press/news/details/1277471?lang=ru
Жауап қалдыру Жауапты болдырмау